Nesta pequena ferramenta interactiva podemos comparar unha imaxe aérea do complexo do matadoiro de FRIGSA (Lugo) arredor dos anos 60 con outra do día de hoxe, onde o terreo é de titularidade municipal e é un parque e complexo deportivo público. A superposición non é perfecta, pero dá para facerse unha idea. Por certo, na foto da "actualidade" pódese ver o mercado que se monta no lugar os martes e venres á mañá :)
A foto da esquerda é un fotograma dun NODO (Filmoteca Española), mentres que a da dereita é tomada do Google Maps.
